play_circle_outline On Air

गीतसंगीत

play_circle_outline On Air

गीतसंगीत

नेपाललाई पुरुष भलिबलमा पहिलो अन्तर्रा्ष्टिय पदक

0

चैत १५,
माल्दिभ्समा जारी तेस्रो एसियन भलिबल कन्फिडिरेसन (एभिसी) सेन्ट्रल जोन सिनियर पुरुष भलिबल च्याम्पियनसिपमा नेपालले कास्य पदक प्राप्त गरेको छ ।
नेपालले पुरुष भलिबल प्रतियोगितामा पाएको यो नै पहिलो अन्तर्रा्ष्ट्रिय पदक हो । माल्दिभ्सको राजधानी मालेमा आज भएको कीर्गिस्तानसँगको खेलमा ३–० को सोझो सेटमा पराजित भएपछि नेपाल तेस्रो स्थानमा सिमित भएको हो । कीर्गिस्तानसँगको खेलमा नेपाल १६–२५, २३–२५ र २०–२५ अङ्कले पराजित भएको हो । प्रतियोगितामा आयोजक माल्दिभ्ससँगै नेपाल, कीर्गिस्तान र टुर्कि्मिनास्तानको सहभागिता रहेको छ । यसअघि नेपालले माल्दिभ्सलाई हराएको थियो । कीर्गिस्तान र ताजिकिस्तानले सेन्ट्रल जोन उपाधिका लागि बिहिबार खेल्नेछन् ।
नेपालले चार दशकदेखि अन्तर्रा्ष्टिय भलिबल प्रतियोगितामा सहभागिता जनाउँदै आएको छ । तर पुरुष भलिबल टोलीले पहिलोपटक पदक जितेको मालेमा रहनुभएका भलिबल प्रशिक्षक जगदिशप्रसाद भट्टले जानकारी दिनुभयो ।
सन् १९७६ मा पाकिस्तानमा काइदे आजम च्याम्पियनसिपबाट नेपाली पुरुष भलिबल टिमले अन्तर्रा्ष्टिय प्रतियोगितामा सहभागिता जनाउन थालेको हो । यस्तै नेपालले सन् १९७८, १९८२ र १९८६ मा एसियाली खेलकुदमा भाग लिएको थियो । सन् १९८७ को तेस्रो दक्षिण एसियाली खेलकुद (साग)देखि नियमित रुपमा सहभागिता जनाउँदै आएपनि नेपालले पुरुष भलिबलमा पदक जित्न सकेको थिएन । सागमा नेपालको महिला भलिबल टोलीले भने तीनवटा कास्य पदक जितेको छ ।

Share.

Leave A Reply