म्यान्चेस्टर युनाइटेडका गोलकिपर डेभिड डि गेयालाई क्लबमा भित्र्याउन रियल म्याड्रिडले फेरि प्रयास गर्ने

असार ३०, म्यान्चेस्टर युनाइटेडका गोलकिपर डेभिड डि गेयालाई क्लबमा भित्र्याउन स्पेनिस क्लब रियल म्याड्रिडले फेरि प्रयास गर्ने भएको छ ।ओल्ड ट्राफोडका अधिकारीहरुले रियलले छिट्टै डि गेयाका लागि नयाँ प्रस्ताव प्रस्तुत गर्ने बेलायती मिडियाहरुलाई जानकारी दिएका छन् । दुवै क्लब यतिबेला अमेरिकाको प्रि सिजन टुरमा रहेका छन् । दुई टोलीबीच आगामी जुलाई २३ मा खेल पनि हुँदैछ । युनाइटेडले डि गेयालाई क्लबमा नै राख्न चाहेको छ ।त्यसैले रियलसँग स्पेनिस गोलकिपरका लागि ६ करोड डलरभन्दा बढी माग गर्ने तयारी गरेको छ । डि गेया पनि रियल जान इच्छुक रहेको बताइएको छ ।
सन् २०१५ मा पनि रियलले ट्रान्सफर डेडलाइनको अन्तिम समयमा डि गेयालाई क्लबमा भित्र्याउने प्रयास गरेको थियो ।तर, समयमा कागजी काम नसकेको कारण उक्त प्रयास असफल भएको थियो ।