play_circle_outline On Air

शिर्ष गित

play_circle_outline On Air

शिर्ष गित

नेकपाको शीर्ष नेताहरुको वरियता टुंगो लाग्यो, तेस्रो वरियतामा झलनाथ खनाल

0

भदौ,२ ।
नेपाल कम्युनिष्ट पार्टीको शीर्ष नेताहरुको वरियता टुंगो लागेको छ । नेकपा सचिवालयको हिजो साँझ बसेको बैठकले दुई अध्यक्षपछिको दोश्रो वरियतामा वरिष्ठ नेता झलनाथ खनाल रहनुहुने निर्णय गरेको छ । बैठकले वरिष्ठ नेता माधव नेपाललाई खनालपछिको तेश्रो वरियतामा राख्ने निर्णय गरेको छ । पछिल्लो समय नेकपाको वरियतामा झलनाथ खनालले आफूलाई तल पारिएको भन्दै असन्तुष्टि व्यक्त गर्दै आउनु भएको थियो ।यो निर्णयपछि नेता नेपालको तेस्रो वरियता खोसिएको छ । नेता नेपालले वरियताक्रम मिलाउनका लागि पूर्वएमालेका तीन पदाधिकारीलाई सचिवालय सदस्य बनाउनु प्रस्ताव पनि राख्नुभयो । वरियता खोसिएपछि यस विषयमा पार्टीको विधानमा अनावश्यक रुपमा चलखेल गरेको भन्दै नेता नेपालले असन्तुष्टि व्यक्त गर्नुभयो । सचिवालयको बैठकपछि पत्रकारसँग कुरा गर्दैै नेकपा प्रचार विभाग प्रमुख नारायणकाजी श्रेष्ठले नेताहरुको वरियतासँगै साँगठनिक एकताका बाँकी विशेष क्षेत्र र जवार्गीय संगठनका इन्चार्ज तोक्ने निर्णय गरेको जानकारी दिनुभयो । बैठकले उपत्यका विशेष कमिटीको इन्चार्जमा लिलामणि पोखरेल, युवा तथा विद्यार्थी विशेष कमिटीको इन्चार्जमा माधव ढुंगेल, मजदुर विशेष जिल्ला कमिटीको इन्चार्जमा विना श्रेष्ठ, पेशागत महासंघको इन्चार्जमा केशव नेपाल, उद्योगी व्यवसायी विशेष कमिटीको इन्चाजर्मा पार्वत गुरुङ, केन्द्रीय सम्पर्क समन्वय कमिटीको इन्चार्जमा छविलाल विश्वकर्मालाई तोकिएको प्रचार विभाग प्रमुख श्रेष्ठले जानकारी दिनु भयो । बैठकले इन्चार्जसँगै विशेष कमिटी, जनवर्गीय संगठन र प्रदेश सम्पर्क कमिटीका सहइन्चार्ज तथा अध्यक्ष र सचिवहरू पनि तोकेको छ ।

Share.

Leave A Reply