play_circle_outline On Air

रमझम साझ

play_circle_outline On Air

रमझम साझ

विप्लवलाई देउवाको आग्रह-हिंसाको बाटो छोडेर वार्तामा आउनुस्

0

चैत,२ ।
नेपाली कांग्रेसका सभापति शेरबहादुर देउवाले नेत्रविक्रम चन्द नेतृत्वको नेकपालाई हत्याहिंसा छोडेर वार्तामा आउन आग्रह गरेका छन् ।प्रेस युनियन पाल्पाले आज गरेको पत्रकार सम्मेलनमा कांग्रेस सभापति देउवाले चन्द नेतृत्वको नेकपालाई वार्तामा ल्याउने वातावरण तयार पार्न सरकारलाई आग्रहसमेत गरेका छन् । उनले हत्या हिंसाबाट मुलुकमा परिवर्तन गर्न सम्भव नहुने भन्दै शान्तिपूर्ण राजनीतिमा आउन आग्रह गरेका हुन् । सभापति देउवाले सरकार निरंकुशताको बाटोतर्फ अग्रसर हुँदै गएको बताए । सञ्चार क्षेत्रमाथि नियन्त्रण गर्न र अंकुश लगाउन खोजिए त्यो कांग्रेसका लागि स्वीकार्य नहुने उनको भनाइ थियो । नेपाली कांग्रेस र प्रजातन्त्र पर्यावाची शब्द जस्तै रहेको भन्दै उनले प्रतिपक्षका रुपमा रहेको कांग्रेसले प्रजातान्त्रिक ढंगबाटै सरकारको आलोचना गर्ने बताए । आफ्नो पार्टी रेलिङ भाँचेर जनतालाई सास्ती दिने पक्षमा नरहेको उनको भनाइ थियो । अर्को एक प्रसंगमा सभापति देउवाले धर्मका विषयमा संविधानमा उल्लेख भएको व्यवस्थाप्रति कांग्रेस प्रतिबद्ध रहेको बताए । गिरिजाप्रसाद कोइरालाले धर्म निरपेक्षताको नेतृत्व गरेकाले शेखर र शशांक कोइरालाले हिन्दू धर्मका पक्षमा बोलेर केही नहुने उनको भनाइ थियो ।

Share.

Leave A Reply