ट्रम्पलाई ठुलो झट्काः हेल्थकेयर विधेयक पारित भएन

विधेयक पारित हुन चाहिने न्युनतम सिनेटरको समर्थन जुटाउन नसकेपछि विधेयक फिर्ता लिने विषयमा आफू र राष्ट्रपति ट्रम्पबिच सहमति भएको अमेरिकी सिनेटका सभामुख पउल रायनले बताए । रिपब्लिकन सिनेटरले नै पर्याप्त समर्थन नगरेका कारण राष्ट्रपति ट्रम्पले विधेयक फिर्ता लिनु परेको बिबिसीले जनाएको छ । यो ट्रम्पलाई सत्ता सम्हालेदेखि लागेको सबै भन्दा ठूलो झड्का हो ।

यसअघि यात्रा प्रतिबन्ध सम्बन्धी पहिलो कार्यकारी आदेश अदालतले कार्यान्वयनमा रोक लगाएपछि ट्रम्प समस्यामा परेको थिए । त्यसपछि ल्याएको नयाँ प्रतिबन्ध सम्बन्धी आदेशमा पनि अदालत विपक्षमा उभिएको छ । स्वास्थ्य सम्बन्धी विधेयक अमेरिकन हेल्थ केयर एक्टको विपक्षमा २८ देखि ३५ रिपब्लिकन सिनेटर नै रहेको उल्लेख छ । राष्ट्रपति ट्रम्प विधेयक फिर्ता भएपछि निराश भएका छन् ।