play_circle_outline On Air

हालचाल

play_circle_outline On Air

हालचाल

सप्तरी र कञ्चनपुर घटनाका पिडितलाई क्षतिपुर्तिको मागः माओवादी केन्द्र

0

चैत १०,
नेकपा (माओवादी केन्द्र)का अध्यक्ष एवम् प्रधानमन्त्री पुष्पकमल दाहालले देशको समसामयिक परिस्थिति, स्थानीय निकायको निर्वाचन, संसद्को चालु अधिवेशन र चीन भ्रमणबारे संसदीय दललाई जानकारी गराउनुभएको छ ।
सिहदरवारस्थित संसदीय दलको कार्यालयमा आज बसेको बैठकमा अध्यक्ष दाहालले निर्वाचन र संविधान कार्यान्वयनसँग सम्बन्धित कानुन पारित गर्नुपर्ने र संसद्मार्फत नै दलहरुबीच सहमति खोज्नुपर्ने आवश्यकता माथि जोड दिँदै संसद्को अधिवेशन जारी राख्नुपर्नाको कारणबारे जानकारी दिनुभएको प्रमुख सचेतक टेकबहादुर बस्नेतले जानकारी दिनुभयो ।
बैठकले सप्तरी र कञ्चनपुरमा भएको घटनाप्रति दुःख व्यक्त गर्दै मृतकका परिवारलाई क्षतिपूर्तिको व्यवस्था गर्न सरकारसँग माग गर्ने निर्णय गरेको छ ।
संसदीय दलले स्थानीय तह पुनःसरचना, सीमाङ्कन तथा स्थानीय तहको स्तरउन्नतिका बारेमा आएका गुनासोबारे प्रदेश संयोजक र संसदीय समितिले सुझाव सङ्कलन गरी सरकारलाई प्रतिवेदन दिने निर्णय भएको बस्नेतले बताउनुभयो । बैठकमा संसदीय दलको बैठकलाई निरन्तरता दिनुपर्ने सांसदको आवाजलाई आगामी दिनमा सम्बोधन गरिने विषयमा नेतृत्वबाट प्रतिवद्धता व्यक्त भएको थियो ।

Share.

Leave A Reply