play_circle_outline On Air

रमझम साझ

play_circle_outline On Air

रमझम साझ

सर्बोच्चका आठ न्यायाधीशद्वारा दोस्रो दिन पनि इजलास बहिस्कार, चोलेन्द्रशम्शेरको इजलास तोकिएन

0

३० चैत । प्रधानन्यायाधीशको वैधतामाथि प्रश्न उठाउँदै हिजोदेखि इजलाश बहिस्कार गरेका सर्वोच्च अदालतका न्यायाधीशहरुले आजपनि इजलास चलाएनन् ।प्रधानन्यायाधीश गोपाल पराजुलीले आफूसँग असहमत रहेका चोलेन्द्र शम्शेर जबराको भने आज पनि इजलास तोकेनन् । चोलेन्द्रले सोमबार इजलासमै लिखित वक्तव्यमार्फत पराजुलीको पदावधि गत साउनमै सकिएको भन्दै उनले तोकेको इजलास बहिस्कार गर्ने जनाएका थिए । उनको इजलास हिजोपनि तोकिएको थिएन ।हिजो न्यायाधीशहरु दीपकराज जोशी, विश्वम्भरप्रसाद श्रेष्ठ, हरिकृष्ण कार्की, सपना प्रधान मल्ल, अनिलकुमार सिन्हा, ईश्वर खतिवडा, प्रकाशमान सिंह राउत र आनन्दमोहन भट्टराईले इजलास बहिस्कार गरेका थिए । उनीहरु आज पनि उपस्थित नभएको सर्वोच्च अदालतका एक अधिकारीले बताए ।
आज पनि पराजुलीले हरिकृष्ण कार्की र ईश्वरप्रसाद खतिवडालाई ८ नम्बर इजलास तोकेका छन् । त्यस्तै आनन्दमोहन भट्टराई र सपना प्रधान मल्ललाई ९ नम्बर इजलास तोकेका छन् भने दीपकराज जोशी र विश्वम्भरप्रसाद श्रेष्ठलाई १ नम्बर इजलास तोकेका छन् ।त्यस्तै अनिलकुमार सिन्हा र प्रकाशमान सिंह राउतलाई १० नम्बर इजलास तोकिएको छ । यीसहित ९ न्यायाधीश पराजुलीको विपक्षमा उभिएका छन् भने अन्य ११ न्यायाधीश भने इजलासमा छन् ।

Share.

Leave A Reply