play_circle_outline On Air

चाहेको गित सुन्नको लागि ०५६५२७४७२

play_circle_outline On Air

चाहेको गित सुन्नको लागि ०५६५२७४७२

एमाले र माओवादी केन्द्रले आधिकारिकता पाउने, तिवारी र किरातीको पार्टीले नयाँ नाम राख्नुपर्ने

0

चितवन,फागुन २५।
सर्वोच्च अदालतको फैसलापछि विधिवत रुपमा अलग भएका नेकपा एमाले र माओवादी केन्द्रलाई बैधानिकता दिन निर्वाचन आयोगले आजदेखि प्रक्रिया थाल्दैछ ।सर्वोच्चले ऋषी कट्टेलको नेकपालाई आधिकारिकता दिएपछि केपी ओली र पुष्पकमल दाहालले नेतृत्व गरेको नेकपाको बैधानिक हैसियत सकिएको छ । दुबै समूहले अब साविकको नेकपा एमाले र माओवादी केन्द्रलाई ब्यूताउने कसरत थालिसकेका छन् । यसैको सहजिकरण गर्न निर्वाचन आयोगले आजदेखि प्रक्रिया थाल्न लागेको हो । निर्वाचन आयोगमा यी दुई नाममा अलग अलग पार्टी दर्ता छन् । मोरङकी सन्ध्या तिवारीको नेतृत्वमा नेकपा एमाले तथा गोपाल किरातीको नेतृत्वमा माओवादी केन्द्र नामका पार्टी आयोगमा दर्ता छन्। सर्वोच्चले एकता अघिको एमाले र माओवादी केन्द्रलाई ब्युताएपछि अब निर्वाचन अयोगले पनि यो नाम पुरानै पार्टीलाई दिने बताएको छ । यसका लागि तिवारी र किरातीलाई नयाँ नाम र चुनाव चिन्हका लागि औपचारिक रुपले निवेदन दिन आयोगले पत्राचार गदैछ । यसैगरी आयोगले नेकपाबाट चुनाव जितेका सांसद एवं स्थानिय तहका जनप्रतिनिधिको हैसियत के हुने भन्नेबारे कानुनी परामर्श गर्ने जनाएको छ । तत्कालका लागि उनीहरु स्वतन्त्र हैसियतमा रहने देखिएको छ।

Share.

Leave A Reply