गणतन्त्र–संघीयता विरोधीलाई लँगौटी लगाएर हिड्न बाबुराम भट्टराईको सुझाव

0

मंसिर २४, पूर्व प्रधानमन्त्री डा. बाबुराम भट्टराईले गणतन्त्र, संघीयता र धर्मनिरपेक्षता विरोधीहरुलाई लँगौटी लगाएर हिड्न भन्नुभएको छ ।देशमा हाल भइरहेको गणतन्त्र, संघीयता र धर्मनिरपेक्षता विरोधी आन्दोलनमा सहभागि भएकाहरुलाई लक्षित गर्दै जनता समाजवादी पार्टी नेपालका नेता डा. भट्टराईले लँगौटी लगाएर हिड्न भन्नुभएको हो ।गणतन्त्र, संघीयता, धरनिरपेक्षतालाई ‘विदेशी एजेन्डा’ भन्नेहरूलाई सुझाव भन्दै डा. भट्टराईले सामाजिक सञ्जाल ट्वीटरमा पाँच विषय सुझाउनुभएको छ ।
जसमा विज्ञान, प्रविधि, विदेशी भाषा नपढ्न र गुरुकुल मात्र जान भनिएको छ । यसैगरी उहाँले अस्पताल नजान र धामीझाँक्री लगाउन भन्नुभएको छ ।यस्तै, भट्टराईले गाडी नचढ्न, पैदल हिँड्न, विदेशी मेशिनले सिलाएका लुगा नलगाउन र लगौंटी मात्र लगाएर हिँड्न भन्नुभएको हो ।पछिल्लो परिवर्तन उल्टाउन भन्दै सडकमा उत्रिएकाहरुसँग रुष्ट भट्टराईले फोन इन्टरनेट, टिभी प्रयोग नगर्न भदै अन्यथा बकवास बन्द गर्न भन्नुभएको छ ।

Share.

Leave A Reply