play_circle_outline On Air

चाहेको गित सुन्नको लागि ०५६५२७४७२

play_circle_outline On Air

चाहेको गित सुन्नको लागि ०५६५२७४७२

नेपाल भारत वाणिज्य सचिवस्तरीय बैठक आज बस्दै,यस्ता छन् छलफलका विषय

0

मंसिर २२,चितवन । नेपाल भारत वाणिज्य सचिवस्तरिय बैठक आज बस्दैछ । दुई देशको व्यापार र पारवहन सन्धिमा भएका व्यवस्थाको पुनरावलोकन गर्न नेपाल र भारतका वाणिज्य सचिवस्तरिय बैठक भिडियो कन्फरेन्स माध्यमबाट आज सुरु हुँदैछ । हरेक दुई वर्षमा हुने बैठक यस वर्ष कोरोना महामारीका कारण आठ महिनापछि हुन लागेको हो ।

दुवै देशका वाणिज्य मन्त्रालयका सहसचिव नेतृत्वको अन्तर सरकारी उपसमितिको बैठकमा भएका छलफलका एजेण्डालाई सचिवस्तरिय बैठकले अन्तिम रुप दिने बताइएको छ । बैठकमा उद्योग वाणिज्य तथा आपूर्ति मन्त्रालयका सचिव बैकुण्ठ अर्याल र भारतीय समकक्षी अनुप वाधवानले टोलीको नेतृत्व गर्ने बताइएको छ । यसअघि २०७५ वैशाखमा काठमाडौंमा नेपाल भारतका वाणिज्य सचिवस्तरिय बैठक भएको थियो । प्राविधिक समितिका अनुसार नेपाल र भारतका सीमा क्षेत्रमा एकीकृत जाँच चौकी, सुक्खा बन्दरगाहलगायतका पूर्वाधार निर्माणको विषयमा पनि छलफल हुने बताइएको छ । यस्तै हाल भएका भन्सार विन्दुको स्तरिकरण गर्ने विषयमा पनि कुरा उठाउने नेपाली प्रतिनिधिमण्डलको तयारी रहेको छ ।

Share.

Leave A Reply