play_circle_outline On Air

रमझम साझ

play_circle_outline On Air

रमझम साझ

निजगढ विमानस्थल निर्माणका लागि अर्थ मन्त्रालयसँग छलफल,स्वट्जरल्याण्डको जुरिच इन्टरनेसनल पन्छियो

0

मंसिर १३,चितवन । निजगढ विमानस्थल निर्माणका लागि लगानी बोर्डबाट लगानी जुट्ने अवस्था नदेखिएपछि पर्यटन मन्त्रालयले लगानीको मोडालिटीबारे अर्थ मन्त्रालयसँग छलफल गर्ने भएको छ । पर्यटन मन्त्री योगेश भट्टराईको अध्यक्षतामा शुक्रबार बसेको निजगढ अन्तर्राष्ट्रिय विमानस्थल अन्तर निकाय समन्वय, सहजीकरण एवम् आइपरेका समस्या समाधान गर्न निरन्तर क्रियाशील रहने गरी गठित उच्चस्तरीय सहजीकरण समितिले अर्थ मन्त्रालयसँग मोडालिटी तय गर्न एक साताभित्रै छलफल गर्ने निर्णय गरेको हो ।

यसअघि सरकारले लगानी बोर्डमार्फत निजगढ विमानस्थलका लागि लगानी जुटाउन पहल थालेको थियो । सो क्रममा स्विट्जरल्याण्डको जुरिच इन्टरनेसनल इच्छुकसमेत देखिएको थियो । तर, सरकारले उसलाई यो विमानस्थल निर्माणबारे आश्वस्त पार्न नसकेपछि कोरोना र मन्दी देखाउँदै कम्पनी पन्छिएको छ । बोर्डले भने त्यसपछि के गर्ने भन्ने विषयमा अझै निर्णय लिन सकेको छैन । शुक्रबार बसेको उच्चस्तरीय सहजीकरण समितिको बैठकले निजगढ विमानस्थल निर्माणका लागि एक वर्षमा गर्न सकिने कामको कार्यतालिका सरोकारवाला निकायसँग बसेर तयार पार्ने निर्णय गरको छ । शुक्रबारको बैठकले डिभिजन वन कार्यालय बाराद्वारा पेरिफेरि रोड निर्माण गर्न यसअघि नै गणना सम्पन्न गरिएका ४ हजार २३२ रुख कटानका सम्बन्धमा समितिको अघिल्लो निर्णय कार्यान्वयन गर्न वन तथा वातावरण मन्त्रालयलाई ताकेता गर्ने निर्णय गरेको छ ।

Share.

Leave A Reply