play_circle_outline On Air

घरदुवार

play_circle_outline On Air

घरदुवार

म्यानपावरको शाखा कार्यालय अनलाइन दर्ताका लागि सूचना जारी

0

काठमाडौं, भदौ १२ । वैदेशिक रोजगार विभागले विगतदेखि नै सञ्चालनमा रहेका म्यानपावर कम्पनीका शाखा कार्यालय अनलाईनमार्फत दर्ता गर्न सूचना जारी गरेको छ । विभागले बुधबार १० बुँदे शर्त सहितको कार्यविधि सार्वजनि गदै गत आर्थिक वर्षमा नै शाखा कार्यालय सञ्चालन गर्न विभागबाट स्वीकृति लिएको र सोही समयमा शाखा सञ्चालनको शुल्क तिरेकाले अनलाइन गर्ने सूचनामार्फत जानकारी गराएको छ ।

म्यानपावर कम्पनीहरुले करिब १० वर्ष अघि शाखा कार्यालय सञ्चालनको स्वीकृति लिएर राहदानी बाहिर चलाउँदै आएका थिए । हाल, शाखा सञ्चालनको अनुमति मागेपछि विभागले विभिन्न कार्यविधि बनाइ शाखा कार्यालयलाई म्यानपावर कम्पनीको केन्द्रीय कार्यालयसँग समन्वय गराई सञ्चालन गराउन खोजेको जनाएको छ ।
म्यानपावर कम्पनीको शाखा चलाउन वैदेशिक रोजगार ऐनमा उल्लेख भएका व्यवस्थाअनुसार पदाधिकारी वा कर्मचारी तोकेको हुनुपर्ने, र त्यसरी तोकिएको कर्मचारीको प्रमाणित प्रतिलिपि समेत विभागको अनलाइनमा अनिवार्य पेश गर्नुपर्ने जनाइएको छ ।

गत फागुनमा भएको वैदेशिक रोजगार ऐनको संशोधनले एजेन्ट खारेज गरेपछि म्यानपावर कम्पनीहरुले पहिले नै शुल्क तिरेर शाखा सञ्चालनको अनुमति लिएका कार्यलय चलाउन दिने व्यवस्था छ ।

विभागमा शाखा अनलाईन दर्ता गर्न निवेदन दिएको १५ दिनभित्र भौतिक संरचनाको व्यवस्था गरी त्यसको १५ दिनभित्र श्रम, रोजगार तथा सामाजिक सुरक्षा मन्त्रालय अन्तरगतको श्रम तथा रोजगार कार्यालयबाट स्थलगत अनुगमन गराई घर वहाल सझौताको प्रमाणित प्रतिलिपि सहित विभागमा प्रतिवेदन पेश गर्न भनेको छ ।

शाखा सञ्चालनको अनुमति पाएको समयमा शुल्क नतिरेका म्यानपावर कम्पनीले सञ्चालक समितिबाट निर्णय गरी शाखा सञ्चालनका लागि पदाधिकारी वा कर्मचारी तोक्ने लगायतका प्रक्रिया पुरा भएपछि शाखा कार्यालय वापतको शुल्क बुझाउनुपर्ने व्यवस्था रहेको विभागको सूचनामा भनिएको छ ।

Share.

Leave A Reply