play_circle_outline On Air

गीतसंगीत

play_circle_outline On Air

गीतसंगीत

यस वर्ष चितवन जिल्ला अदालतमा कम मुद्दा फैसला

0

चितवन, साउन,७ ।
गत आर्थिक वर्षमा चितवन जिल्ला अदालतले विगत पाँच वर्षको वर्षको तुलनामा यस वर्ष कम मुद्दा फैसला गरेको छ । अदालतले गत आर्थिक वर्षमा दर्ता भएका र जिम्मेवारी सरेर आएका गरी तीन हजार ९२१ मुद्दामध्ये दुई हजार ३५८ थान मुद्दामात्र फछ्र्योट गरेको हो । अदालतले आव २०७४÷०७५ मा ६९.६५ प्रतिशत, ०७३÷०७४ मा ७३.०४ प्रतिशत, ०७२÷०७३ मा ७५.७८ प्रतिशत, ०७१÷०७२ मा ६८.७८ प्रतिशत र ०७०÷०७१ मा ६०.५५ प्रतिशत मुद्दा फछ्र्योट गरेको थियो । यसअघिका वर्षहरुमा मुद्दाको सङ्ख्या चार हजार ३१२ सम्म पुगेको थियो । गत आवमा एक न्यायाधीश आर्थिक वर्षकै बीचमा सरुवा भएर गए पनि सो स्थानमा अन्य न्यायाधीश नपठाउनाले पनि न्यायिक सम्पादनमा कठिनाइ परेको थियो । जिल्ला न्यायाधीश विनोदकुमार गौतमले नयाँ कानूनबाट सृजित अवरोध, कानूनी अभ्यस्थताको कमी, अदालतमा रहेका २४ प्रतिशत सम्बन्धविच्छेदका मुद्दा टुङ्गो लगाउनका लागि एक वर्ष कुर्नुपर्ने अवस्था, दक्ष जनशक्तिको अभावलगायत कारणले न्यायिक सम्पादन अघिल्ला वर्षको तुलनामा कम प्रगति देखिएको जानकारी दिए । रासस

Share.

Leave A Reply