play_circle_outline On Air

हालचाल

play_circle_outline On Air

हालचाल

पप्पु कन्स्ट्रक्सनका मालिक रौनियारको निलम्बन फुकुवा गर्न फोरमको माग

0

असोज २३, संघीय समाजवादी फोरम नेपालले आफ्ना पार्टीका सांसद हरिनारायण रौनियारमाथि अख्तियार दुरुपयोग अनुसन्धान आयोगले चलाएको भ्रष्टाचारका मुद्दाप्रति आपत्ति जनाएको छ । साथै निलम्बन गरिएका प्रतिनिधिसभा सदस्य हरिनारायण रौनियारमाथि सम्पूर्ण कारवाही फुकुवा गर्न माग गरेको छ । सांसद रौनियार पप्पु कन्स्ट्रक्सनको सञ्चालक नहुँदा पनि आयोगले पूर्वाग्रही भएर सांसद रौनियामाथि भ्रष्टाचारको मुद्दा चलाएको दावी गरेको फोरम नेपालले गरेको छ ।
कन्स्ट्रक्सनको सञ्चालक सांसद व्यक्ति नहुँदा नहुँदै रौनियारलाई आयोगले विगोको १९ करोड ३२ लाख २५ हजार ६९५ रुपियाँ विगो माग गरिएको छ भने कन्स्ट्रक्सनका अध्यक्ष सुमित रौनियारलाई पनि उत्तिकै विगो माग गरेको फोरम नेपालको दावी छ । अख्तियारले पूर्वाग्रही भएर मधेशका नेताविरुद्ध मुद्दा चलाएको पार्टीले आरोप लगाएको छ । कतिपय ठेक्केदार कम्पनीहरु काम नगरेर रकम दुरुपयोग गरेको प्रमाणहरु हुँदाहुँदै पनि अख्तियारले उनीहरुबिरुद्ध कारवाही नगरेर मधेशका नेताहरुलाई लक्षित गरी चरित्र हत्या गरेको आरोप लगाएको छ ।

Share.

Leave A Reply