असोज १७, जल तथा मौसम पूर्वानुमान महाशाखाले यो वर्षको मनसुन पश्चिमी क्षेत्रबाट हिजो नै बिदा भएको जनाएको छ ।मौसमविदका अनुसार पश्चिमी क्षेत्रबाट मनसुन बिदा भैसकेकोले अब केही दिनभित्रै पूर्णरुपमा मनसुन बाहिरिने छ । महाशाखाका मौसमविद समिर श्रेष्ठले पश्चिमी क्षेत्रबाट मनसुन बाहिरि सकेपनि मध्य र पूर्वमा मनसुनको प्रभाव अझै कैही दिन रहने बताए । दसैं आउन एक साता बाँकी भएकाले दसैंसम्ममा पूर्णरुपमा नै मनसुन नेपालबाट बाहिरि सक्ने उनले बताए ।नेपालमा गएको केही वर्षदेखि नै मनसुन बिदा हुने समय लम्बिँदै गइरहेको छ । मौसमविद् श्रेष्ठका अनुसार मनसुन बिदा यही दिन हुन्छ भनेर ठ्याक्कै भन्न सकिने अवस्था छैन । पश्चिम क्षेत्रबाट मनसुन बाहिरीसकेकाेले मध्य र पूर्वमा भने निकै कमजोर बन्दै गएको छ । अर्को प्रणाली केही नदेखिएकाले दसैंमा ठूलो पानी पर्ने सम्भावना देखिँदैन ।
बंगालको खाडीदेखि भारत हुँदै पूर्वी नेपालबाट मनसुनी वायु भित्रिने गर्छ । जसले गर्दा जुन महिना देखि सेप्टेम्बर महिनासम्म धेरै वर्षा हुने गर्छ । नेपालमा वर्षभरि हुने वर्षाको ८० प्रतिशत वर्षा यही चार महिनाको अवधिमा हुन्छ । सेप्टेम्बर महिनाको अन्त्यसँगै बंगालको खाडीबाट सुरु भएको मनसुन पश्चिम नेपाल हुँदै बिदा हुन्छ । पूर्वी नेपाल हुँदै फैलिने मनसुनी प्रणाली पश्चिमबाट सफा हुँदै बाहिरिने गर्छ ।गएको वर्ष मनसुनी अवधि सकिएको केही समय ढिला गरी मनसुन बाहिरिएको थियो ।
पश्चिम नेपालबाट यस बर्षको मनसुन बाहिरियो, दशैँमा पानि नपर्ने मौसमविदको अनुमान
पश्चिम नेपालबाट यस बर्षको मनसुन बाहिरियो, दशैँमा पानि नपर्ने मौसमविदको अनुमान
तपाईको प्रतिक्रिया
संबन्धित शिर्षकहरु
माइतीघरमा नेकपा प्रचण्ड–माधव पक्षको धर्ना , उल्टो कदम सच्याउन आग्रह
आज थप २८३ जनामा संक्रमण पुष्टि,दश दिनभित्र चार लाख ३० हजार जनालाई खोप लागाईने
