play_circle_outline On Air

सिनर्जी हेडलाईनस

play_circle_outline On Air

सिनर्जी हेडलाईनस

चीन भ्रमण फलदायी ः सभामुख महरा

0

सभामुख कृष्णबहादुर महराले आफ्नो पाँच दिने चीन भ्रमण उपलब्धिमूलक र फलदायी भएको बताउनुभएको छ । स्वदेश फर्किनुभएपछि उहाँले आज त्रिभुवन अन्तर्रा्ष्ट्रिय विमानस्थलमा सञ्चारकर्मीसँग कुरा गर्दै भ्रमणले नेपाल र चीनबीचको आपसी हित एवं मैत्रीपूर्ण सम्बन्ध थप प्रगाढ बनाएको उल्लेख गर्नुभयो । तिब्बत भ्रमणका अवसरमा सभामुख महराले चीनको तिब्बत स्वशासित क्षेत्रका पार्टी प्रमुख वु यिङै एवं उच्चपदस्थ पदाधिकारीसँग शिष्टाचार भेटघाट भएको जानकारी गराउँदै सो अवसरमा उहाँहरु बीच नेपाल, तिब्बत र चीनबीचको ऐतिहासिक एवं कूटनीतिक सम्बन्ध, व्यापार, लगानी एवं पर्यटनलगायत विषयमा छलफल भएको वताउनु भयो। उहाँ छिमेकी राष्ट्र जनवादी गणतन्त्र चीन र यसको स्वशासित क्षेत्र तिब्बत सरकारको निमन्त्रणामा तिब्बतको ल्हासामा आयोजित चौथो तिब्बत पर्यटन तथा सांस्कृतिक प्रदर्शनमा प्रमुख अतिथिका रुपमा १० सदस्यीय नेपाली संसदीय प्रतिनिधिमण्डलको नेतृत्व गर्दै यही भदौ २२ गते त्यसतर्फ प्रस्थान गर्नुभएको थियो । भ्रमणकै दौरानमा उहाँले तिब्बतको ल्हासास्थित नेपाली महावाणिज्य दूतावासको परिसरमा चीनको केन्द्र सरकार तथा तिब्बत स्वशासित क्षेत्र सरकारको सहयोगमा पुनःनिर्माण हुने नेपाली महावाणिज्य दूतावासको भवन, नेपाल र चीनको सिमानामा रहेको तातोपानीको मितेरी पुल तथा नेपाल र चीनको सिमानामा बन्ने रसुवागढी पुलको शिलान्यास गर्नुभएको बताउनुभयो । सभामुख महराले प्रदर्शनीअन्तर्गत तिब्बतको लिन्ची प्रिफेक्चरअन्तर्गत लुलाङ शहरमा आयोजित ट्रान्स–हिमालय बेल्न एण्ड रोड अन्तर्रा्ष्ट्रिय आर्थिक सहयोग मञ्चमा प्रमुख अतिथिका रुपमा सहभागी हुनुभएको थियो ।

Share.

Leave A Reply