play_circle_outline On Air

हालचाल

play_circle_outline On Air

हालचाल

एसिया कप छनोटमा नेपालको दोस्रो जित, सिंगापुर चार विकेटले पराजित

0

भदौ १७ ।
एसिया कप छनोटको चौथो खेलमा नेपालले जीत हासिल गरेको छ। आइतबार बिहान भएको खेलमा नेपालले सिंगापुरलाई ४ विकेटले पराजित गरेको हो। जारी प्रतियोगितामा नेपालको यो दोस्रो जीत हो। नेपालले शनिबार आयोजक मलेसियालाई १९ रनले पराजित गरेको थियो। टस हारेर फिल्डिङ पाएको नेपालले सिंगापुरबाट १५२ रनको लक्ष्य पाएको थियो। जसलाई भेट्ने क्रममा नेपालका अनिलकुमार साहले ४३, दीपेन्द्र ऐरी ३३, उपकप्तान ज्ञानेन्द्र मल्ले २९, सुवास खकुरेलले १४, कप्तान पारस खड्काले ११, सागर पुनले १४ रनमा आउट भएका थिए। नेपालको पाँच विकेट पतन भएको थियो। जसमा अनन्त कृष्ण र सेलाडोर विजयकुमारले दुई दुई विकेट लिएका थिए। कार्तिकेय सुवर्मन्यम, र शरन स्वामिनाथनले एक(एक विकेट लिएका थिए। मलेसियाको युकेएम ओभल मैदानमा टस जितेर पहिले ब्याटिङ गरेको सिंगापुर ४२ ओभरमा १५१ रनमा अलआउट भएको थियो। सिंगापुरका तीन खेलाडीले मात्र दोहोरो अंक जोड्न सकेका थिए। सुरुवात राम्रो गर्न नसकेको सिंगापुर विरुद्ध नेपाली बलर हाबी भए। पहिलो ओभरमा नै सोमपाल कामीले विकेट लिदा सिंगापुरले खाता खोलेको थिएन। त्यसपछि उसले १८ रन बनाउदा तीन विकेट गुमाएको थियो। सिंगापुरका सुरुवाती तीन खेलाडीले दोहोरो अंक छुन सकेनन्। चौथो विकेटका लागि चेतन रामचन्द्र र अनिश इडवार्डले ८० रनको साझेदारी गर्दै टिमलाई सम्हाल्ने प्रयास गरेका थिए। तर उनको जोडीलाई दिपेन्द्र ऐरीले तोडे। अनिशलाई दिपेन्द्रले ३१ रनमा रनआउट गरेपछि सिंगापुर ९८ रनमा चार विकेट गुमायो। एक सय १८ रन बनाउदा सिंगापुरका ६ जना खेलाडी पेभेलियन फर्किएका थिए। उसका कप्तान चेतन ६० रनमा आउट भए त्यसपछि सिंगापुरको पारी पुरै खस्कियो। नेपाली बलरसँग संघर्षगरेर खेलेका उनले टिमका लागि कप्तानी पारी खेले। बलिङतर्फ ललित राजवंशी र सन्दिप लामिछाने तीन तीन तथा सोमपाल कामीले दुई विकेट लिएका थिए।

Share.

Leave A Reply