play_circle_outline On Air

मिसकल

play_circle_outline On Air

मिसकल

धुम २ बाट प्राप्त सेयरको २५ प्रतिशत बाढी पीडितलाई सहयोग गर्ने जयको घोषणा

0

कलाकार जय किशन बस्नेतले बाढी पीडितलाई आर्थिक सहयोग गर्ने घोषणा गरेका छन् । अविरल वर्षा पछि पूर्वि तराईका अधिकांश जिल्ला डुबानमा परे सँगै कलाकार बस्नेतले आफू निर्मित तथा अभिनित फिल्म ‘धुम २’ बाट प्राप्त सेयरको २५ प्रतिशत आर्थिक सहयोग बाढी पीडितलाई प्रदान गर्ने घोषणा गरेका हुन् ।उनले देश रोइरहेको अवस्थामा भाद्र ८ रिलिज आफ्नो फिल्मबाट व्यापारिक रुपमा प्राप्त हुने सेयर पीडितलाई उपलब्ध गराउने वाचा गरेका हुन् । साथै उनले फिल्म फाइदामा गएको खण्डमा उक्त फाइदाको रकम बाढी पीडितलाई हस्तान्तरण गर्ने बताएका छन् । हिमाल पहाड तराई कोही छैन पराई भन्दै उनले सबै नेपालीहरु एकजुट भई सहयोग गर्न आग्रह गरेका छन् । तराईका अधिकांश भू–भाग अविरल वर्षाका कारण डुबानमा परे सँगै सयौको ज्यान गइसकेको छ । कतिपय भने अझै बेपत्ता छन् । प्राकृतिक विपत्तीका कारण यस्ता समस्या आम नेपालीले बर्षेनी व्यहोर्दै आइरहेका छन् ।
ख्याल रहोस् जय स्वयमको लेखन, निर्देशन तथा निर्माण रहेको यस फिल्ममा जय किशन बस्नेत, रोहित रुम्बा, संजोग कोइराला, महिमा सिलवाल, सृजना भट्टराई, शोभित बस्नेत लगायतका कलाकारको अभिनय रहेको छ ।

Share.

Leave A Reply